3103/2024-2025

2024 Sahmulphah thla ni 20: Vawiin khan Lunglei Municipal Council (LMC) huam chhunga bial (ward) hrang hrangte faina kawnga inelna buatsaih mek, LMC Award, 2024  atana endik thawh thumna chu Panel of Judges Convener, LMC Secretary Pu Lalrinawma hovin kalpui a ni.

Ward fai endiknaah hian  Convener bakah, Lunglei Sub-Headquarters YMA aṭangin Pu Dina Renthlei te thawk chhuakin, Zobawk, Hrangchalkawn, Theiriat, Sethlun, Luangmual leh Lunglawn te an tlawh a. Tuiluankawr (sidedrain), bawlhhlawh bawm leh vantlang inthiarna (public toilet) bakah, khawlai vel a fai leh fai loh te an endik a ni.

LMC Award 2024 atana fai intihsiakna hi July ni 1, 2024 aṭang khan kalpui ṭan niin, kum tluana inelna tur a ni a. Faina kawnga hma lakna tehfung hrang hrang hmangin veng fai endikna hi kalpui niin, January 2025-ah result puan a, lawmman sem theih beisei a ni.

Ward fai inelna, LMC Award 2024-ah hian ward fai berin ₹ 3,00,000 leh trophy, pahnihnain ₹ 2,00,000 leh trophy, pathumnain ₹ 1,00,000 leh trophy an dawng ang a. Ward pakhat hnenah consolation prize ₹ 30,000 leh citation hlan a ni bawk ang.

Attachment

  • Loading attachment...