No.3334/2021-2022

Aizawl, the 9th December 2021 : Vawiin khan Environment, Forest & Climate Change Minster Pu T.J Lalnuntluanga’n Senior Forest Officers’ Meeting, PCCF Conference Hall, Aizawl-ah a hmanpui a. Principal Secretary & PCCF (HoD) Pu Liandawla chuan Minister hi a lo dawngsawng a ni.

Minister Pu T.J Lalnuntluanga chuan tunhnaia sawrkar hmalakna zingah Nagar Van Yojana chu Municipality Area chauh nilo Notified Town Area-ah kalpui a ni thei dawn chu vannneihthlak a tih thu leh Delhi-a EF&CC Minister of State chungah pawh lawmthu a sawi a. Dampa Tiger Reserve atana sum kan dawn tur ang kan dawn loh avanga hnathawktute hlawh pek chungchanga harsatna te pawh sum nawr chhuah a ni chu lawmawm a tih thu a sawi bawk a ni. EF&CC Department in a vawikhatna atan Externally Aided Project - JICA a dawng tur hi chhinchhiah thlak a nih thu a tarlang a, Department in hma a sawn dawn chuan working plan tha neih hi a ni a, PCCF office a working plan North leh South in duang mai lo hian division tin ten kan mawhah dah hi a tul hle a ni, a ti a. Forest Fire Management Plan ah hian awmze nei taka APO siam a tula a hriatthu leh, DFO te bial hrechiangber ten an bial APO hi siam se la, chu chuan kan ramkang nasa takin a vengin kan mamawh ang sum kan hmuh theih a beisei a ni. Heng bakah hian central leh state Data te la khawm in a kum hmasa lama ram kang percent record te nen division tin te mamawh phuhruk turin Central ah pawh kan dil a ngai a ni, a ti a. Tun dinhmunah cheng vbc khat hi kan rate a ni leh ringawt a, sum ah hian duh angin kan indaih lo deuh thin avangin contingency fund awm theih dan leh, plan ang diak diaka thil a kal loh avangin emergency atana hman tur contingency expenditure hi siam dan ila, Fire Nodal Department kan nih angin kang thelhna Fire equipment hrang hrang khawtlang leh NGOs ten an mamawh ang ngaihtuah sak theih dan kawng dap ni se tiin thawktute a ngenin a chah a ni.

Minister chuan Union Ministry in a ngaih pawimawh em em- ramngaw venhim chungchangah atam thei ang ber Public intervention leh contribution neih a ngai a. Mipui kutah mawhphurhna (people’s participation) dah tam theih a nih chuan kan proposal te hi min ngaih pawimawh zual sak anga, hlawhtlinna a thlen belh a rin thu a sawi a ni.

Pu H.Lianmawia CCF (P&D) chuan meeting a lokal zawng zawngte a lo lawm a. “Mizoram, home of rich flora & fauna” documentary en ho a ni a, PCCF (P&D) Pu Jitendra Kumar chuan Department hmasawnna hrang hrang bakah central atanga funding tam zawk project hai chhuah a nih theihnan a thil pawimawh leh thawktute indaihlohna (vacancy) awm zat te tarlangin, DFO theuh ten an division a ngaihtuahna seng a tan la zel turin a ngen bawk a ni.

Meeting-ah hian Division hrang hranga hmalakna te thlir ho leh sawiho a ni a, department kaihhnawih dan (act) hrang hrang te zirhona leh inhrilh hriatna (awareness campaign)cum workshop chu department hrang hrang te nen neih ni se tih pawm a ni.

DCF (Hqrs.) Pu PC Laltanpuia chuan lawmthu sawiin meeting hi a khar a ni.