No.3335/2021-2022

Aizawl, the 9th December 2021 : Dr. Lalhriatzuali Ralte IAS, Deputy Commissioner, Aizawl District Chairman-na hnuaiah ni 6thDecember, 2021 khan D.C Conference Hall, Aizawl ah District Committee for “Nasha Mukt Bharat Abhiyaan Mizoram (Drug Free India Campaign Mizoram)” te chuan an hmalak tawhna te thlir hovin, hmalak zel dan tur te an rel.

Nasha Mukt Bharat Abhiyaan (Drug free India campaign) hi India ram chhunga District 272 thlan chhuah ah kalpui mek a ni. He hian a tum ber chu Thalai-te Ruihhlo tilo tura zirtir (Early Prevention) leh tanpui ngai an nih chuan tanpuina hmun hrilhhriat a hruai thlen hi a ni.

Ni 6th December, 2021 meeting ah hian Aizawl District chhung a hmalak tawh nate leh hmachhawp hrang hrang te inhrilhriata sawifiahna hun hman a ni a. Dr. Lalhriatzuali Ralte IAS, Deputy Commissioner, Aizawl District Chairman-na hnuaiah nasa takin hmalak a ni a. Chungte chu;

1) Nasha Mukt Bharat Abhiyaan (NMBA) Mizoram, Aizawl District Committee hmasa ber chu October, 2020 khan neih a ni.

2) Peer Volunteers 50 thlan chhuah an ni a, training pek vek tawh niin an ni hian mi 3455 te zingah ruihhlo hman that loh zia zirtirna an pe tawh a ni. Tin, Clinical Psychologist 5 te a tul anga counseling pe tura training pek an ni bawk.

3) Thalai tam zawk ten ruihhlo chungchanga zirtirna tam zawk an dawn theih nan, Drug awareness Video clip, Narrations, Billboard etc te chu media (Local Cable TV, Youtube, Instagram kaltlanga tihchhuah a ni.

4) Ni 15th August, 2021 ah Dr. Lalhriatzuali Ralte IAS, Deputy Commissioner, Aizawl District Chairman kaihhruaina in Committee member te leh Peer Volunteers ten hun an hmang ho a ni.

5) September, 2021 chhung khan NMBA District Committee in Aizawl District huamchhunga NGO 19 leh Damdawiin 9 an tlawh chhuak a. He mi hnu hian Dr. Lalhriatzuali Ralte IAS, Deputy Commissioner, Aizawl District hmalakna-in Ration kit thahnem tawk tak pek vek an ni.

6) Sr. Superintendent of Police, Aizawl kaihhruaina hnuaiah Task Group on NMBA team te chuan Aizawl district huam chhunga Damdawi zuar ten, thalai te zingah, a bik takin kum tlinglo leh school naupang te hnenah ruihtheih chi damdawi pe chhuak lo turin hrilhhriatna hun an hmang mek bawk a ni.

Meeting ah hian Dr. Lalhriatzuali Ralte IAS, Deputy Commissioner, Aizawl District chuan hmalak zel dan tur ruahmanna hrang hrangte (Action Plan), Budget leh a kaihhnawih te sawiin member te sawihona hun a hawng. He meeting ah hian Mizoram Police, Health Department, Education Department, Social Welfare Officers, Prominent Citizen leh NGO hruaitu-te an tel a ni.

Thurel tlangpui te:-
1) College zirlaite zingah hmalak ni se tih ani a, chumi buaipui tur chuan Sub- Committee din nghal a ni.

2) Krismas vuakvetah kum tling lote hnena vaihlo leh a kaihhnawih hralh lo tur a hmalak ni se. Local Council/ Village Council te hnena hmala tura ngenna lehkha pek ni se tih a ni.

3) School naupangte hnenah District Education Office kaltlanga a remchan anga ruihhlo that lohzia zirtirna pek ni se tih ani.

4) Health Department hnuai a Programme awmsa te nena a theih chin chinah kalpui ni se tih a ni.

5) Aizawl District huamchhunga khua/ veng 10 te chu ‘Near Drug Free Village’ a puan a nih theih nan a hmalak ni se tih ani a.

6) Kohhran hote nen thawhho dan ngaihtuah ni se tih a ni bawk.