No.3336/2021-2022

Aizawl the 9th, December' 2021: Vawiin khan Lunglei Bawrhsap Pu Kulothungan A, IAS kaihhruaiin DC Conference Hall-ah Lunglei District chhunga Covid 19 hri danna lak tawh dan thlirhona leh 100% lak dan tur chungchang ngaihtuah hona neih a ni.

Pu Kulothungan A chuan Lunglei District chhung ah Covid 19 hri danna 100% lak dan tur leh Covid Appropriate Behaviour zawm dan ngaihtuah tura member lokal te a lo lawm a, Covid 19 second wave kan hmachhawn mek a, third wave lo thleng leh tura invenna tha ber chu hri danna lak a ni a ti.

Dr. Shubhangi,Pandagre, Public Health Immunization Consultant, UNICEF India chuan Lunglei District chhunga Covid 19 hri danna Electoral Roll a mihring awmzat 104897 atangin 1st dose mi 97723(93.16%) pek an ni a, 2nd dose mi 78815(80.65%) pek an ni bawk. 2nd dose lak huntawh la kimlo mi 18908 an awm a ni. Lunglei District hi Covid 19 hri danna 100% kan hlenchhuah theih nan District Administration, Medical team, VLTF, NGO, Kohhran hrang hrang, thuthar thehdarhtute leh a kaihhnawih Department hrang hrangte thawhhona leh tanrual a ngaih thu a sawi a. UNICEF in Covid 19 hri danna 100% hlawhtlinna turin Har Ghar Dastak awareness an neih thin chu tihhlawhtlin a ngaih thusawiin, chhungkaw tin Covid laka kan him theih nan chhungkaw member zawng zawng hri danna la thei chin chuan lak theuh tur a ni a. Covid Appropriate Behaviour(CAB) Mask vuah, kut silfai leh social distancing zawm dan tur a sawi bawk. Covid kaihhhnawih chungchang te, VLTF tangkai dan te, ASHA hman tangkai dan te, Kohhran leh Volunteer hman tangkai dan tur te a sawi bawk a ni.

Dr. A. Rebecca Sharma, State SBCC Consultant pawn thusawiin kan hmalawka hunpui lo thleng turah hri laka kan fihlim theih nan VLTF, YMA, leh kohhran hrang hrang ten hridanna 100% kan lak theih nan leh CAB zawm theuh turin mipui te hnena puan zar sak turin a chah a ni.