No.4426/2020-2021
India Danpui Article 174-na in a sawi angin Assembly thutkhawm (session) neih hun inkarah thla 6 aia tam a tla tur a ni lova. March ni 4, 2020 khan session hnuhnung ber (session vawi 5-na) a tiak avangin Mizoram Governor chuan Eight Legislative Assembly session vawi 6-na chu September ni 1, 2020 zing dar 10:30 atanga neih tan turin a ko a ni.
COVID-19 hripui leng avangin session neih dan tur kaihhruaina mumal tak Standard Operating Procedure zawm turin hetiang hian duan a ni.
1.General Information:
1.1 Session neih tan ni tur: 1.9.2020
1.2 Session neih hun chhung: B.A.C in a ngaihtuah ang
1.3 Session neihna hmun tur: Assembly Session Hall
1.4 MLA zat : 40
2.List of Business:
2.1: Governor’s Address : Nil
2.2 Sunna : Ex-MLA 5 (panga) - Pu Hiphei, Ex-Speaker; Pu Rokamlova - Ex-Speaker; Pu F.Lawmkima, Ex-Minister; Pu F.Sapa; Pu J.Lawmzuala.
2.3 Question: Thutkhawm neih ni apiangin tan hun atanga chhiara darkar hmasa ber (first hour) zelah neih a ni ang.
2.4 Governor’s Bill: Neih tura beisei a ni
2.5 Private Member’s Bill/Resolution : N/A
2.6 Laying of paper : Neih tura beisei a ni
3. General Arrangement:
3.1 Entry : MLA zahawm tak te leh Session chhim tur mi tu pawh Assembly huam chhung an thlen hunah thermal scanning (khawsik endik) an paltlang vek anga, luhkaah hand sanitizer chhawpchhuah hmangin an kut uluk takin an ti fai ang. Mask an vuah vek tur a ni.
Heng a hnuaia tarlante hi nei (vei) an awm a nih chuan Session Hall luh phalsak an ni lo vanga, a hmuna medical duty ten an hriselna endik sakin an buaipui nghal ang.
i) Khawsik (99F chunglam temperature neite), khuh, thawk lama harsatna leh awm (chest) na nei te.
ii) Khunghran mek te nena inhnaihchilha awm (contact) te.
ii) Containtment area emaw lockdown mekna hmun atanga lo kal te.
iii) COVID-19 veite nena inhnimhnai emaw, chenpuite
iv) COVID-19 natna nei niawma ngaih theih (symptoms nei) te.
Session-a kal tur official zawng zawng te chu session tan hmain hma takah Assembly huamchhung an thleng hmang tur a ni a. Hemi chungchangah hian Secretary, General Administration Department chuan hriattirna tul angte a tichhuak ang.
3.2 Thut dan tur: MLA zahawm takte chu Session Hall leh Recess Room chhungah an inthuthnaih tur a ni loa, mask an hmang ngei ngei tur a ni.
3.3 Official lobby: Social distancing kaihhruaina an zawm tur a ni a, mi 26 (a ding lamah 16, a vei lamah 10) aia tam an thu tur a ni lo.
Gallery-a thutna chu media mite leh mipui an lo kal theih nan a theih chin chinah thutna zuah tur a ni.
Assembly Session kal tur official zawng zawng ten an identity card an keng ngei tur a ni.
Secretary, General Administration Department-in a tul angin hriattirna a tichhuak ang.
3.4 Public Gallery: COVID-19 hripui leng avangin mipui thutna gallery-a thu thei zat siam a ni ang a. Thutkhawm ni hmasa berah mipui (sunna hun hmang tur) tan thutna 10 zel zuah a ni ang a, mipui mimir tan ni tin seat 30 zuah thin a ni ang.
3.5 Press Gallery: Media mi kal thei zat bituk a ni lo ang a. Amaherawhchu, gallery chhungah social distancing kaihhruaina an zawm tur a ni. Secretary, Information & Public Relations Department chuan hma a la ang.
4. Security Arrangement:
4.1 Home Department chuan Assembly huam chhung leh a chhehvela mipui chetvelna leh lirthei hun dan turah te mawh a phur ang.
4.2 Commissioner & Secretary, Mizoram Legislative Assembly rawn chungin security chungchangah ruahmanna siam tur a ni.
4.3 Secretary, General Administration Department chuan Session chhungin dan leh thupek fel taka kenkawh a nih theih nan a tul angin Magistrate a ruat ang.
4.4 Assembly Session chhung zawngin dan leh thupek kenkawhna lama thawktu (duty) te chuan englai pawhin mask an hmang tur a ni a, a tul angin hand sanitizer an hmang thin anga, social distancing kaihhruaina tha takin an zawm reng tur a ni.
5. Medical & Health Arrangement:
5.1 Secretary, Health & Family Welfare Department chuan Assembly session chhungin senior officer pakhat Medical leh Health kaihhnawiha mawhphurtu tur Nodal Officer a ruat tur a ni.
5.2 Medical duty te tan ground floor ah room pakhat dah sak an ni ang.
5.3 Health & Family Welfare Department ruat Nodal Officer chuan Commissioner & Secretary, Mizoram Legislative Assembly rawn chungin thermal scanning, hand sanitizing, medical duty tur ruat leh session neihchhunga hman tur sanitizer leh disinfectant lakkhawm leh hman kawngah ruahmanna a siam ang.
5.4 Assembly huam chhung leh a chhehvel te, Session Hall leh Recess Room chu fai taka vawn (sanitize) reng tur a ni.
5.5 Assembly huam chhungah hmanraw mamawh chikima thuam Ambulance pakhat a ding reng tur a ni.
5.6 Health & Family Welfare Department ruat Nodal Officer chuan Medical/Paramedical team leh mamawh dang hmanrua, damdawi, ambulance leh a dangte mamawh thula hman mai tur a awm reng theih nan ruahmanna a siam tur a ni.
6.Miscellaneous:
6.1 Thutkhawm ni hmasa ber 1.9.2020 (Thawhlehni) ah ex-member mi 5 boraltate sunna hun hman a ni anga. Ex-member sun tur mi pakhat zelah an chhungte mi 10 luh phalsak an ni ang. Sunna huna tel tur family member te hming leh phone number chu hma takah Assembly Secretariat ah an thehlut tur a ni.
6.2 Assembly Session neih tur inbuatsaihna leh bultannaah Disaster Management Act, 2005 hnuaia Mizoram (Containtment & Prevention of COVID-19) Ordinance an zawm em tih leh dan bawhchhiatna a awm em tih endik turin State Disaster Management Authority chuan Senior Officer pakhat a ruat tur a ni.
6.3 Secretary, Power & Electricity Department chuan session chhung zawnga power supply chatlak lova an dawn theihna turin mawh a phur ang.
6.4 Secretary, PWD chuan Session Hall, Recess Room, sound system, lighting system leh elevator te tha taka vil a nih theih nan ruahhmanna a siam ang.
6.5 Secretary, Parliamentary Affairs Deptt. chuan Assembly Session atana tul ang ang lehkha pawimawh te chu hma takah Assembly Secretariat-a a thlen theih nan mawh a phur ang.
6.6 Commissioner & Secretary, Mizoram Legislative Assembly chuan Assembly session muanawm, felfai leh hriselna kawngah pawh thlamuanthlak taka hun hman a nih theih nan ruahmanna a siam ang.
