664/2026-2027

Aizawl the 22nd May, 2026: Vawiin khan Legal Metrology Department chuan eirawngbawlna gas (LPG) khawih chinpentu an manchhuak a, dan angin an hrem.

Zothan Gas Agency te chuan an gas semchhuah turah buk tling lo a awm nia an rinhlelh chu Legal Metrology Dept. te hriattir in, Legal Metrology te chuan LPG domestic cylinder bukna endikin bur 306 lo thleng thara bur 259 te chu a buk tling lo ngei a ni tih an hmuchhuak a. A khawih chinpentu ni ngeia rinhlelh Truck driver Tera Moni (kum 48), Ram Nagar, Silchar khua chu Section 30 of the Legal Metrology Act, 2009 a bawhchhiat avangin hrem a ni. Gas bur buk tlinglote hi thun khah ṭhat turin Agency leh IOC lamin hma an lak a ngai dawn bawk a ni.