Gas harsatna su kiang turin FCS&CA Department chuan theihtawp a chhuah mek a. He mi chunga hmalakna leh mipui hriattir a hnuaia mi ang hian FCS&CA chuan thuchhuah a siam.

Hun engemaw atang khan kawngchhiat avang leh chhan dang hrang hrang avangin Mizoram-ah LPG duh anga hniang hnarin mipuiten kan dawng thei lo a. Hemi chungchangah hian Sawrkarin theihtawp chhuah a hma la zelin nguntaka vilin a en reng a. Gas Distributor (Agent) ten nitina Gas Cylinder an dawn zat leh an semna leh an sem lehna tur veng te nen report siamin Food, Civil Supplies & Consumer Afairs Department-ah an thehlut thin a. Chu report chu nitinin mipuite hriattir a puanzar turaI & PR Department ah pawh pek thin a ni.

He Gas sem dan report hi a duh apiangte tan Dte. of Food, Civil Supplies & Consumer Affairs (Inspecting Room) Telephone No. 0389-2314175 ah leh Food, Civil Supplies & Consumer Affairs Department website. fcsca.mizoram.gov.in ah en theih reng leh ah zawhfiah theih reng a ni e.