District AIDS Prevention and Control Committee, Aizawl hmalakna in Aizawl khawpui chhunga sawrkar office hrang hrang ah HIV/AIDS Sensitization Campaign neih mek a ni a. Vawiin khan Higher & Technical Education, Technical Wing, Chaltlang Lily Veng ah Sensitization Programme hman a ni.

Vawiin a HIV/AIDS Sensitization Programme hi Dr.R.Zonunmawii, District Program Manager, District AIDS Prevention and Control Unit, Aizawl District in a kaihruai a. Sensitization Campaign hman a nih chhan leh he campaign kalpui dan tlangpui a sawi a. Hemi hnu hian power point presentation hmangin Dominic Vanlalfala, District Assistant, District AIDS Prevention and Control Unit in HIV/AIDS natna chungchanga Mizoram dinhmun leh a bikin Aizawl District a HIV/AIDS lo hluar chhoh zel dan te, a hlauhawmna leh inkai chhawn theih dan chungchang te tarlangin zirtirna a pe a. He natna hlauhawm tak lakah hian mitin fimkhur tur leh, midangte pawh fimkhur tura zirtir turin a sawm a. Sawihona hunah H&TE department hnathawkte nen HIV/AIDS natna laka inveng tura thawh hona tur pawimawh te leh hmalak dan tur chungchang te sawi ho a ni.