Vawiin chawhma dar 10 : 30 khan I&PR Conference Hall Saiha-ah Mizoram Journalist Association (MJA) Saiha te leh Legal Service Authority, Saiha te tangkawpin an buatsaih "Seminar on Corruption and R.T.I. Act" chu hlawhtling taka neih ani. He Seminar hi Pu C.Z. Hluna, President Mizoram Journalist Association, Saiha District, Saiha chuan a kaihruaia Pi Suman Goyal IPS, S.P. Saiha chuan thu sawiin mihring ten kan dikna leh chanvo te kan hriatloh vanga kan chunga hremna chi hrang hrang thleng thei leh kan dikna leh chanvo te humhalh a pawimawh zia a sawi a, dan leh hrai te zir chiang a, mahni chanvo te humhalh tlat turin kalkhawmte chu a chah ani. He Seminar neihna-ah hian Pu Laldinpuia Tlau, Judicial Officer, 1st Class chuan " Eirukna" Corruption chungchang sawiin paper a present a, Pi S.Lalmuanpuii, Judicial Magistrate, M.A.D.C. pawhin " Importance of Right to Information Act " tih thupui hmangin paper a present bawk. Pu F.C.Khihnia, Advocate pawhin thu sawina a nei bawk ani. He Seminar neihna-ah hian Tlawmngaipawl hrang hrang hruaitu te leh Chanchinbu mite an tel tha hle ani.