Vawiin chawhma dar 9:00 khan DC's Conference Room, Saiha-ah Hon'ble Member of Parliament ( Lok Shaba) Pu C.L. Ruala kaihruaina in Saiha District Vigilance & Monitoring Committee-in meeting an nei.

He meeting hi kumin chhunga Saiha District Vigilance & Monitoring Committee-in meeting a neih vawi hnihna niin meeting ah hian Saiha District chhunga Department hrang hrang ten an Department hnuaia Centrally Sponsored Schemes (CSS) hmanga an hnathawh theuhte thlirletna leh sawihona hun an hmang a. Department tin ten an harsatna hrang hrang leh thurawn an neih te Pu C.L. Ruala hnenah hian an thlen nghal bawk a ni.

Meeting-ah hian thusawiin Pu C.L. Ruala chuan Committee member te chu an hnathawhna theuhah rinawm tak leh thahnem ngai taka thawk theuh tura chahin he CSS hmang hian khawtlang leh ram tan thil chhenfakawm leh rotling, kan tu leh fate thleng pawh-a an tangkaipui theih tur siamin i hnutchhiah ang u , tiin kalkawmte a chah ani.

Pu C.L. Ruala chuan Bank lamin Account hawn nana Job Card holders te hnen atanga EPIC an lo phut thin chu tha a tih thu sawiin, hei hian Ghost Card ( job card lem) a tih bo mai piah lamah, border area a awm District te tan chuan ramdangmi (foreigners) dan lo anga lo in benbel tum tute danna tha tak pawh a ni thei ani, a ti bawk.

He meeting-ah hian Saiha District Vigilance Committee Member te an tel kim hle a, M.A.D.C. atang pawhin Pu S.Khipo, C.E.M. leh Pu M.H.Tiabi, E.M. (Rev) te pawh he meeting ah hian an tel ani.

Attachment

  • Loading attachment...