4562/2025-2026
Dated Aizawl, the 21st February, 2026: Tukin dar 6:30 khan Art & Culture Department, Govt. Of Mizoram chuan Ministry of Culture, Govt. of India atanga thu an dawn angin Ekta Diwas Unity Run & Cycling hun an hmang. Central Ministry-in State leh Union Territory zawng zawngte Sardar Vallabhai Patel (Union Home Minister hmasa ber leh Iron Man of India tia hming an vuah hial) pian champhaphak kum 150-na hriatreng nan October ni 31, 2024 leh October ni 31, 2026 inkara hun hman dan tur hrang hrang a rawn duang a.
Ekta Diwas thupui ‘One India, Self-Reliant India’ tih hmangin Art & Culture Department chuan Unity Run & Cycling chu Mizoram Cycling Association leh Aizawl City Run Club te thawhpuiin he Run & Cycling hun hi a buatsaih a. Mi 140 vel tlanin, Cyclists mi 55 an tel bawk a ni.
Pi Lalengvari, Deputy Secretary, Art & Culture Department chuan programme hman chhante sawifiahin Vanapa Hall atangin Run & Cycling hi a vailiam a. Run & Cycling-a telte hi an tlanna kawng an zawh hnuah Vanapa Hall-ah kir lehin kharna hun hman a ni.
Programme hi Pu Seju P. Kuruvilla, IGP, Mizoram leh Pu TC Lalkhuma, Joint Secretary, Art & Culture Department-te'n an hmanpui a. Pu Seju P. Kuruvilla chuan thu sawiin, India ramah hian inremna leh thawhhona tha kan mamawh thu a sawi a, hemi bakah hian thawkho tur chuan hriselna ngaih pawimawh a tul thu sawiin, Unity Run & Cycling-a tel zawng zawngte chu taksa enkawl tha theuh turin a chah bawk a ni.
Pi Zirsangzuali, Deputy Director, Art & Culture Dept. chuan tluang taka hun hman a ni thei leh Ministry hmalakna Department-in tha taka a kalpui chu lawmawm a tih thu a sawi a. SP, Traffic lamin tluang taka a tlante an lo kaihhruai avangin lawmthu a sawi bawk a ni.
