Naktuk October 26, October 2013 hian Pu Pankaj Pandey. IIS, Serchhip, Lunglei, Lawngtlai leh Saiha district tana Election Awareness Observer atana ruat chuan Serchhip District chhunga Assembly Constituency pahnih, Tuikum leh Hrangturzo bial te a tlawh dawn a, inthlanpui hmachhawn tura District Administration inpuahchahna te endikin mipui mimir boruak te a rawn thlithlai dawn a ni.

Pu Pankaj-a hian District Administration-in a tih tur a tih that tawk leh tawk loh te, mipuite hnenah zirtirna pawimawh a pek that leh that loh te bakah mipui mimirin inthlan an thlir dan leh an hmuh dan hrim hrim te leh an mawhphurhna an hriat leh hriat lohte a rawn zir chiang dawn a, henga a thil hmuh te hi Election Commission of India-ah a report leh dawn a ni. Naktuk hian Serchhip District a fan zawhah Lunglei lam panin a kal leh nghal dawn a ni.