Vawiin khan Aizawl District Returning Officer Pu CC Lalchuangkima hovin Aizawl DC pisaah tlawmngai pawl hrang hrang aiawhten inthlan vuakveta political party candidate-ten token, sum emaw thilpeka chantir theih leh pawisa sem te a thlenloh nan hmalak dan tur an sawiho.

Meeting-ah hian RO chuan pawisafai ni si lo,thliar hran harsa tak tak, voters-te hip thei tur thil sem leh hna in thawhsak te khap vek a nih thu a sawi a. Hemi kawnga venpui tur hian tlawmngaipawl hrang hrang hruaitute thawhopuiah a sawm a ni.

Aizawl District huamchhunga Election Model Code of Conduct bawhchhia an awma complain duh tan leh inthlan kaihhnawih thil engpawh hriatchian duh nei chuan Control Room no-0389-2317440 ah emaw, Asst. Commissioner cell phone number 9862329373-ah emaw Sub Deputy Commissioner number 8974214794-ah te zawhfiah theih a ni a. Anni bakah Election Officer phone number 0389-2322621 ah emaw, Election Branch phone number 0389-2316719 ah emaw Helpline number 9436354222 ah emaw zawhfiah theih a ni.

Meeting-ah hian Mizoram Peoples Forum, Central YMA, MHIP, MUP, MZP, MSU General Headquarters aiawhte leh District Coordinator, NYK te an tel a ni.