Serchhip District Legal Services Authority (SDLSA) buatsaihin vawiin khan DC Meeting Room-ah Para-Legal Volunteers te tan training buatsaih a ni.

Pi Lalrochami, Secretary, SDLSA kaihhruai Training hawnna inkhawm tawite buatsaih ah Training hawngtu khuallian, District Bawrhsap ni bawk Pi Juhi Mukherjee, IAS chuan volunteers te fuihna thu a sawi a, an hna rinawm leh taima taka thawk turin leh mipuite rawngbawksak chu an hna ber ani tih hriat a pawimawh thu te a sawi a ni.

Training hi hun hnih a then niin Resource person ah Pu T. Lalnunsiama, Advocate hman a ni.

Serchhip District Legal Services Authority (SDLSA) hian kumin July thla atanga vawiin thleng hian Legal Awareness Campaign hmun hrang hrang 6 ah an buatsaih tawh a, Legal Aid Clinic hi hmun hnih (New Serchhip leh DC Office Serchhip) ah hawn ani bawk a, Para-Legal Volunteers Training hi September thla khan Thenzawlah neih ni bawkin, Lak Adalat din ani tawh a, tunah hian Lok Adalat hian thubuai ngaihtuah tur 6 an nei mek a, October ni 29, 2013 hian a vawikhatna atan sitting an nei ang.