Kumin kum tawpa Mizoram inthlanpui a hmachhawn tur chungchangah vawiin khan Aizawl DC, DEO ni bawk, Dr. Franklin Laltinkhuma pisa-ah District Level Standing Committee a thukhawm a. He meeting-ah hian Election leh a kaihhnawih Department officials te bakah tlawmngai pawl leh political party hrang hrang aiawhte an tel a ni.

Election Commission of India chuan Mizoram pumah Special Summary Revision of Electoral Rolls neih leh tura a thupek angin hmalak mek a ni a, June thla chhungin Pre-Revision atana tul ang zawng zawng tih zawh tum a ni. Electoral Revision hi July ni 1 - 15 chhungin zawhfel tum a ni a, sawiselna nei emaw tihdanglam tura dilna emaw te chu hemi hun chhungin thehluh vek tur a ni ang a, heng hi August ni 1 hmain endik leh chinfel a ni ang. Hemi hnuah Electoral Roll thar ber chu August ni 16, 2013 khian tarchhuah a ni ang.

Aizawl District chhunga Polling Stations Urban-a voters 1200 pelna zawng zawngte chu rationalised a ni a. Polling Station neih lai 293 chu 29-a pungin a vaiin 322 a ni tawh bawk ang. Hei bakah hian tuna Electoral Roll-a Veng/Polling Station 5 hming te chu thlak danglam tum a ni a, chungte chu : 

Aizawl DC chuan ECI-in inthlanna kalphung a rawn siam thar hrang hrang chungchang hrilhfiahin Candidate tinte chu an sum hmanna ‘expenditure accounts’ felfai taka vawn a tul thu te leh BLO tin ten Register an vawn a tul tur thute a sawi bawk a ni. mn