Kumin kum tawp lama Mizoram Assembly inthlanpui chungchang thli thlai tura lokal Election Commission of India Director General Pu Ashish Srivastava chuan nimin tlai khan Mizoram Chief Secretary mawhphurhna chelhmektu Pu Ranbir Singh chu a office-ah hmuin inthlan buatsaih leh a kaihhnawih chungchang huamzau takin an sawi dun.

Hemi hnu hian Director General hian Mizoram Chief Electoral Officer Pu Ashwani Kumar office chamber-ah political party thenkhat hruaitute a kawm zui nghal a. Party hrang hrang ten inthlanna fel leh fai, dik leh zalen buatsaih a nih theihna tura an thurawn hrang hrang te a ngaihthlak sak a, CEO Pu Ashwani Kumar pawhin inthlan buatsaih kawnga tul leh a kaihhnawih hmalak leh hmachhawp te Director General hi a hrilh bawk. Inpawh taka inkawmhona hun hi neih niin huamzau taka thil pawimawh chi hrang hrang sawiho a ni.