Mizoram inthlanpui atana inbuatsaihna kal zelah vawiin khan Aizawl District huama Static Surveillancce Team 22, Flying Squad 22, Video Surveillance Team 18, Video Viewing Team 14 leh Accounting Team 28 te chuan Agriculture Conference Hall-ah Training an nei a, Master Trainer Pu Lalrohlua, Under Secretary, DP&AR leh Pu Laltanpuia Hnamte, Under Secretary, Finance ten training an neihpui a ni. India rama inthlanpui neihnaa dik lo taka sum tam tak chelek thin venga inthlanna thianghlim leh felfai neih a nih theih nan Election Commission of India chuan Election Expenditure Monitoring mechanism uluk taka duangin hemi tihhlawhtlin nan hian Mizoram district tinah pawh team hrang hrang din a ni a, inthlanna atana an mawhphurhna leh hnathawh dan tur te inzirtirin tha taka hlenchhuah a nih theih nan an zirho a ni.

Vawiin vek khan Flying Squad Team leh Static Surveillance Team-a tel tura ruat Police te pawhin Addl. S.P. Pu K.Lalremsanga hovin Aizawl SP Office Conference Hall-ah Training an hmang bawk a ni.