Vawiin chawhma dar 11:00 khan MLA inthlanpui lo awm tura Serchhip District chhung Assembly Constituency pathuma duty tur Team ten hrang hrang 10 ten DC Conference Hall, Serchhipah training an nei.

He training hi Pu Chuauhnuna, Addl. DC leh Deputy District Election Officer chuan a kaihruai a, inthlan buaipui tura sawrkar hnathawk fel tak takte hmel hmuh hian a thlamuan thlak a, kan inpekna pawh a thuk niin a langa, inthlanna felfai leh tha tak kan buatsaih theih ngei a beiseiawm ani, a ti. Mahni hna theuhte dik leh felfai taka thawk theuh thei tura training tha tak an neih theih nan duhsakna a hlan a ni.

Pu R. Vanrengpuia, SDO(S) chuan Team hrang hrangte hnathawh dan tur a sawi a, Election Model Code of Conduct hnuaia tih phal leh phal lohte, vantlang hmunah Political Party flag leh banner te tar phal chin te, Commercial vehicle leh lirthei danga flag leh poster tar chungchang te leh Expenditure Monitoring hnuaia Team hrang hrang te chanvote a sawifiah a. Team tinte chu mahni chanvo theuhte hneh taka an thawh theih nan inbuatsaihna tha neih a ngaih thu leh a tul hun apianga inrawn tlang tura EEM Nodal Officer leh Assistant te an inralrin reng thu a sawi a ni.

Thusawitu dang Pu K. Saitluanga, DIPRO chuan Video Surveillance team, Flying Squad leh Static Surveillance Team a thla latute hriat tur zirtir ve thung a. Hna pawimawh tak thawktu tur an ni tih hre chunga tha taka hna thawk turin a chah a. Thu buai hla buai pawh awm palh sela, rorelna sanga dinpui tlaka tha thlalak nei thei ngei tura chahin, an hnathawhnaa an hman tur Camera hrang hrangte chu Pu F. Ramfangzauva, AVPA I&PR nen an zirtir nghal a ni.

He training ah hian Team hrang hrang- Liaison Officers and Assistant Liaison Officers, Liaison Officer to CAPF, Flying Squad Officers and Videographers, Static Surveillance Team Officer and Videographers, Video Viewing Team Officer and Clerks, Assistant Expenditure Observers, Sector Officers leh Control Room Duty te an tel a ni.

 

 

Attachment

  • Loading attachment...