Ni 26.10.18  khan Tourism Department Director pisaah Winter Festival 2018 Programme Committee ten thutkhawmna an nei a, Tourism Department Director Pu Biakthanmawia Pautu chu Chairman niin he thutkhawm hi a kaihruaia, PHED, Mizo Cultural Organisation, Directorate of Information & Public Relations Department aiawhte leh Tourism lama Official ten he hun hi an telpui a ni.

 Winter Festival 2018 hi ni thum awh tur a ruahman niin Decemeber Ni 13, 14 leh 15 a hman tur a rel a ni a, lam leh zai bakah intihhlimna hrang hrang buatsaih tum a ni a. Tin, Stall hrang hrang kum danga tih angin siam leh ani dawn a, adventure leh sports lama tui mi te tan pawh hun hlimawm tak buatsaih ani anga, thlalak, lemziak leh pangpar khawi hrang hrangte phochhuahna hun siam tum a ni bawk. Winter Festival 2018 thupui phuah (Slogan) intihsiak buatsaih a ni dawn a, 1st prize Rs 5000, 2nd Prize Rs 3000 leh 3rd Prixe Rs 2000 ruahman a ni bawk a, Slogan ziak tu te chuan 9089368231 ah SMS in 15 November hma in a thawn theih ani.  Tourism Department hmalakna in kum 2018 hian Christmas Parade buatsaih a ni leh dawn a. Aizawl chhunga veng hrang hrang Veng/ Kawn chei intihsiak a awm dawn bawk a, kawn Chei intihsiaknaah hian 1st Prize  Cheng Nuai 4, 2nd Prize Cheng Nuai 3 leh 3rd Prize Cheng Nuai 2 ruahman a ni bawk a, a tel tur veng te chu December Ni 10 hmaa endik tur a rel a ni bawk.

Attachment

  • Loading attachment...