Vawiin chawhma dar 10 khan Pu Ashwani Kumar IAS, Electoral Roll Observer, Serchhip District leh Commissioner, General Administration Department leh Power & Electricity Department ni bawk chuan Special Summary Revision of Electoral Roll an hman mek chungchangah Serchhip a tlawh a, Serchhip DC Pu Lalsangliana, AERO te leh Political Party Leader, VC, YMA leh MJA hruaitute nen DC Chamber-ah inkawmhona hun tha tak an hmang.

He inkawmhonaah hian Pu Ashwani Kumar chuan Special Summary Revision of Electoral Roll chu Media kaltlangin mipui te tana nasa lehzuala Awarness neih a pawimawh thu a sawi a, Foreigner, India khua leh tui nih duh, Electoral Roll-a chuan duh bawk te chu India rama kum 5 an awm hnuah Ministry of Home Affairs-ah dil theih a ni a, Ministry of Home Affairs in phalna a pekte chauh lo chu Electoral Roll-ah Foreigner tupawh thun theih an ni lo tih sawiin Gurkhali te erawh chu Kum 1950 hmalama India rama chengte leh an thlah te Electoral Roll a thun theih an nih thu a sawi bawk.

A sawizelnaah Pu Kumar-a chuan Sakhaw lama rindan hrang neih vanga Electoral Roll a thun duh lo leh inpaih dilte chu Democracy ram kan nih angin an mimal zalenna a ni a ti a, India Citizen an nihna erawh a bo phah loh thu sawiin tunlai chhanah EPIC tel lo chuan anmahni zawkin harsatna hrang hrang an la tawh phah thung dawn a ni a ti. Pu Kumar-a chuan zirlai, hmundanga an awm avanga Electoral Roll Hearing-naa kal thei lo te chu an aiawhin an chhungte tu ber in emaw an dinsak thei tih a sawi a, Electoral Roll dik leh fel fai kan neih theih nan Political Party hrang hrang, NGO leh Media te thawhpui thiam a pawimawh em em a ni a ti bawk.

Kum 18 tling India khua leh tui dik takte chu Electoral Roll-ah hian chuang ngei tura ngaih an ni a, tun tum Special Summary Revision of Electoral Roll-ah hian dt.1.1.2013-a kum 18 tling turte tan inthun luh a dil theih dawn a ni. Hemi bakah hian siamthat, paih leh insawn te a dil theih bawk a ni.

Electoral Roll, Special Summary Revision 2013 neih mekah Oct. ni 1 - 31, 2012 chhung sawiselna hun hawn mek a ni a, Oct. ni 6 leh ni 9 ah Roll hi en dik niin Dec. ni 1, 2012 thleng E- Roll a thun luh dilna leh paih dilna hun hawn a ni ang a, 1st - 31st, Dec. chhungin Final list peih tur niin Jan. ni 5, 2013 ah Electoral Roll thar tihchhuah a ni dawn a ni.