Vawiin chawhnu khan Champhai DC Conference Hall-ah Champhai District Observer Pu B. Lalhminghthanga hovin Electoral Roll Revision neih a ni a, DC Pu Zoengsanga'n he hun hi kaihruai a. Assembly Constituency hrang hrang a Draft Roll hmalakna thlirlet niin, Assembly Constituency 5 huam chhunga AERO ten bialtin a an hmalakna tlangpui tarlanna an nei.

Champhai District chhung Asssembly Constituency 5 chhunga ER Revision-ah hian Observer Pu B. Lalhmingthanga chuan Polling Station malah Form 6 hmanga thun thar an tam viau chuan ECI-ah thil nihphung sawifiah a ngai thin thu a sawi a. Champhai District chhung Assembly Constituency 5 huamchhunga ER Special Summary Revision neihah hian Form 6 hmanga thun thar dilna lut zat chu 3822 niin, pawmzat hi 2836 a ni a, Form 7 hmanga inpaih dilna lutzat 1366 awmin, mi 1353 dilna pawm a ni. Form 6 leh 7 a dilna hnawlte hi final rih loh an ni. Form 8 hmanga siamthat dilna lutzat chu 464 niin, a vai a pawm a nih bakah Form 8A hmanga dilna lutzat chu 614 niin, dilna zawng zawng pawm a ni bawk.

Special Summary Revision 2015 chhunga ER ennawnah hian a pumpuia punna chu 2.67 niin, Champhai South Assembly Constituency punna chu 4.86 niin a punna a sang ber a. 21 Lengteng Assembly Constituency chu a punnna hniam ber niin, a punna hi 1.31% a ni thung.

He ennawnna hunah hian ERO, AERO, Election Officer bakah Polictical party aiawhte an tel a ni.