Vawiin chawhma khan Lunglei DC Office Chamber ah Land Revenue & Settlement Secretary leh Lunglei District tana Election Observer ni bawk Pu Zothankhuma, IAS ho in Electoral Registration Officer (ERO) leh Assistant Electoral Registration Officer (AERO) ten Lunglei District chhunga Special Summary Revision of Electoral Roll an kalpui mek chu thlir hona an nei.

Pu Zothankhuma chuan ERO leh AERO te chu diltu an tam rualin, khua leh tui dik takte chauh thun tur an nih avangin engtiklai pawha fimkhur turin a chah a. Roll summary revision chungchanga hma lak an tumna reng rengah DC kaihhruaina hnuaia ruahmanna felfai tak nei thin turin a duh thu a sawi. Political party aiawha lokal te hnenah pawh booth level agent-a an ruat te chungah awareness tha pe a, mawhphurhna mumal tak siam sak thin turin a duh thu a sawi a ni.

Lunglei DC Pi Lalzarmawii, IAS pawhin ERO leh AERO te hmalakna chu fakin, Roll Revision an kalpui mekah harsatna leh buaina lian tham thleng hriat a nih loh thu a sawi a. Tluang taka zawh fel theih a nih a beisei thu a sawi bawk a ni.

He hunah hian political party pathum aiawh te an tel a ni.