MLA inthlanpui lo awm tur atana inbuatsaihna chi khat atan vawiin khan Aizawl District chhunga Returning Officer leh Asst. Returning Officer turte training neih a ni a. Pu Jitender Yadav, IAS, Asst. Commissioner, DC Office ami chuan training a neihpui a ni.

Aizawl District-ah hian Returning Officer 7 leh Asst. Returning Officer 14 an awm a. Assembly Constituency 14 awmin, RO pakhatin Constituency 2 zel an chang ang a. ARO pakhatin Constituency 1 zel an chang thung dawn a ni.

Inthlanpui lo awm tur atan hian inbuatsaihna hrang hrang kalpui chhoh mek zel a ni a. Election Commission of India duh dan angin tun September thla chhung hian training ngai leh tul zawng zawng chu training neih tuma inbuatsaih zel a ni.