Vawiin chawhma dar 10:30 khan Lunglei Circuit house conference hall-ah Lunglei leh Serchhip District-te tana Electoral Observer hnathawk mek Pi M.Zohmingthangi, IAS chuan Political party hrang hrang a booth level assistant te leh NGO’s hruaitute kawmin roll ah in thun leh paih chung chang a sawipui.

Lunglei District Election officer Dr. Andrew H. Vanlaldika kaihruai inkawmhona ah hian Political party aiawh a kalte chuan an harsatna hrang hrang leh rawtnate theh lut in a tam zawk chuan foreigner te roll thunluh chu ngaih mawhawm tham in a hnawksak tawh a ni an ti. Electoral observer hian tun hi roll a inthun luh leh paih chungchang ah BLA in political party ten official an puih nasat a tul hun lai tak a nih thu a sawi.

Khawchhak tlangdung leh khawthlang ramri dep a awmte zingah foreigner an awm tam avangin official, Political party hruaitute leh NGO’s te an tan nasat a tul thu a sawi. Observer chuan Democracy ah chuan roll a inthun hi a stage pawimawh lai leh election intanna a nih avangin fimkhur taka kalpui a ngai a ni, a ti.