1951/2026-2027

Lawngtlai, 27th August 2026: Special Intensive Revision (SIR) 2026 kalpui mekah vawiin khan Pu K. Lalthawmmawia, IAS, Electoral Roll Observer for Lawngtlai District leh Commissioner & Secretary, School Education and Sports & Youth Services ni bawk hovin DC Office Chamber- ah thutkhawm  a ni.

Thutkhawm hi Pu Donny Lalruatsanga, District Election Officer (DEO) kaihhruaina hnuaiah neih a ni a, Election Officer Pu Collin Hlycho chuan SIR 2026 kalpui meka Lawngtlai  District chhunga hmalakna hrang hrang report a pe a ni.

Electoral Roll Observer Pu K. Lalthawmmawia chuan 'Super Checking' nei tura lo kal a nih thu a sawi a. Electoral Roll - felfai leh thianghlim a awm theih nan a Election Official- te thawhrimna fakawm a tih  thu a sawiin, Political Party leh NGO hrang hrang hruaitute, a bik takin CYLA ten then theihtawp an chhuahpuinaah lawmthu a sawi bawk a. Electoral Roll Observer chuan 'Hearing' zawhfel a ni tawh chu lawmawm a tih thu sawiin, harsatna tam tak kara hearing - nei tura kalte an fakawm hle a ni,  a ti. SIR 2026 kalpuiah harsatna emaw vuivaina neite   awm theih a ni tiin, engtik lai pawha biak theih reng a nih thu sawiin, an harsatnate a hnena thlen turin a chah a. Pu K. Lalthawmmawia chuan September ni 7, 2026 - ah Final Electoral Roll tarchhuah tura ruahmnna siam a nih anga tluang taka tarchhuah a nih theih nan theihtawp chhuah chhunzawm zel turin a chah nghal bawk.

Draft Electoral Roll - hi July ni 4, 2026 khan Lawngtlai Bawrhsap Pu Donny Lalruatsanga chuan lo tlangzarh tawhin, Lawngtlai District - a Assembly Constituency pathumah Vote nei - 90,699  an awm a. August ni 13, 2026 khan Hearing pawh zawkfel tawh niin, hearing tih ngai mi- 32,554 an awm a ni.

Form 6, Form 7 leh Form 8 dinhmun tlangpui chu a hnuaia tarlan ang hi a ni.

Form 6 ( New Claims)

36- Tuichawng AC-2,028

37 - Lawngtlai West AC -1,333

38- Lawngtlai East AC- 709

Form 7 (Deletion)

36- Tuichawng AC-18,

37 - Lawngtlai West AC -27

38- Lawngtlai East AC- 23

Form 8 (Transfer & Correction)

36- Tuichawng AC-132

37 - Lawngtlai West AC -390

38- Lawngtlai East AC- 198

Electoral Roll Observer Pu K. Lalthawmmawia chuan Assembly Constituency pathumah hian random - a 'Super Checking' nei felin, Political Party hrang hrang aiawh leh CYLA hotute kawmna a nei nghal a ni.