1950/2026-2027 

Dated : Mamit the 27th of August, 2026 :  Vawiin khan Mamit District Cooperative Office-ah Mamit District Cooperative Union, Mamit Branch chu Pu K. Lalchamreia, President Mizoram State Cooperative Union chuan a hawng.

Pu K. Lalchamreia chuan Mizoram State Cooperative Union hnuaia Mamit Branch hawn a ni ta chu hmasawnna lawmawm tak a nih thu sawiin, Aizawl atanga Mizoram chhunga society hrang hrang enkawl chu thil awl ai tak a nih loh avangin District tina District Cooperative Union din tura Mizoram Sawrkar ngenna ngaihpawimawh saka, Serchhip, Kolasib leh Mamit Branch hawn a ni chu Mizoram Sawrkar chungah lawmthu a sawi. Mamit District chhunga Society hrang hrangte nung taka an kal theih nan District Office-a thawktute leh Society te lungrual taka ke pen tlang turin a chah a, mipuite hnen thleng phaka hmasawnna tak tak chu kan thlai tharchhuah enkawl leh sawngbawlna kawnga hmalakna hi a nih avangin Mamit District chhungah theihtawp chhuaha hmala chhunzawm zel turin kalkhawmte a chah a ni.

Pu Rothangliana Bawihtlung, DCO Mamit pawhin thusawiin Mamit District chhunga Society hrang hrangte dinhmun leh tan lakna turte a tarlang a, Mamit District Cooperative Office, hmasawnna atana thawhpuia sawmin finchhuah an ngaihna laia finchhuah hrehlo turin kalkhawmte a sawm bawk.

He hun hi Pu K. Lalruatfela, CEO, M.S.C.U chuan kaihruaiin Pu F. Lalchungnunga, Vice President chuan Pathian hnena hun hlanna a nei bawk.

Mamit District Cooperative Union hawnna hunah hian Mamit District chhunga hruaitu tur hetiang hian in ruat nghal a ni. 

President : Pu Hrangthanngura, Kawrthah M-PACS Ltd. 

Vice President : Pu Lalthlamuana Ralte, Zawlnuam Fishery C/S Ltd. 

Secretary : Sangthansiama Kawlni, Mamit Piggery C/S Ltd. 

Treasurer : Pi K. Lalzamliani, Mamit Hmarveng ALF Multipurpose C/S Ltd. 

Committee members :-

1.Pu Vanlalhluta : W. Phaileng M-PACS Ltd. 

2. Pu C. Thankhuma : W. Phaileng LAMPS

3. Pu H. Tlanghmingthanga : Darlak M-PACS Ltd. 

4. Pi Lalrinzuali : Zamuang M-PACS Ltd te an ni.

Vawiin vek hian Mamit Chhimveng YMA Hall-ah Cooperative Education & Awareness Programme hun hman zui niin mithiam te'n zirtirna an nei a, naktuk ni 28.08.2026 (zirtawpni) hian W. Phaileng-ah training hi neih chhunzawm a ni ang.