1949/2026-2027

Saitual, the 27th August, 2026: Vawiin khan Fisheries Department, Saitual District chuan Saitual District chhunga Sangha khawitute hnenah Sangha chi tha a sem chhuak a, he Sangha chi hi Kalyani FS, Regional Research Center - Rahara, ICAR - Central Institute of Freshwater Aquaculture, Bhubaneswar aṭanga ruahman niin kumin chhunga Saitual District-a sangha chi an sem ṭum hnihna a ni.

He hmalaknaah hian Ṭamdil-a chhuah tur Sangha chi eng emaw zat ruahman tel a ni bawk. District Fisheries Development Officer Pu F. Vanlalfela chuan thu a sawi a, Saitual District chuan kum 1973 khan Ṭamdil khuahna tlangpui hi Fisheries Department in a lo siam tih sawiin chu mi hnu atang chuan Department in enkawl chhunzawm zelin Scheme hrang hrang hmangin Tamdil hnar lamah Fish Seed Farm siam chhunzawm a nih thu a sawi a, he Fish Seed Farm hi Zoram hmun hrang hranga sangha khawitu te tan Practical Demonstration neihna hmun pawimawh tak a nih thu a sawi bawk.

District Fisheries Development Officer chuan Tamdil-ah hian sangha chi kum tin chhuah thin a nih thu a sawi a, kuminah pawh sangha chi thar tha chhuah tel a ni dawn tih a sawi bawk.  Tunah hian Ṭamdil leh Ṭamdil Fish Seed Farm-te chu Fisheries Department-in a enkawl mek a, Sangha khawi chungchanga hriat belh duh leh zir duh neite tan Department hotute hriattirin zirtirna pek theih a nih reng thu a sawi bawk a ni.