1786/2026-2027 

Dated Khawzawl, the 14th August, 2026 : Vawiin khan Public Health Engineering leh Art & Culture Department Secretary Pi Zodingpuii, Special Intensive Revision 2026 puala Electoral Roll Observer ni bawk hovin DC Conference Hall, Khawzawlah 22-Tuichang AC chhunga Special Intensive Revision 2026 kalpui dan leh thlen chin thlirhona thutkhawm neih a ni a, Deputy District Election Officer Pu K. Zorammuana’n hun a kaihruai.

Electoral Roll Observer Pi Zodingpuii chuan thu sawiin, Electoral Roll dik leh felfai siam hi nakin lawka kan tu leh fate tan a pawimawh thu a sawi a. Kohhran leh khawtlang hruaitute chu hriatpuina lehkha pek chhuah kawngah fimkhur turin a chah a, official-te pawh uluk taka document endik zel turin a chah bawk.

District Election Officer Pu K. Vanlalthiana pawhin thu sawiin, Electoral Roll thianghlim kan neih theihna tura thawktu official-te, BLO-te, political party leh khawtlang hruaitute chungah lawmthu a sawi.

Vawiin thutkhawmah hian Election Officer Pu Timothy R. Lalhmangaiha chuan 22-Tuichang AC chhunga hearing neih dan leh Form hrang hrang lutkhawm endik a nih dan kimchang takin report a pe a, DEO level-a document endik ngai hi hun duh rei mahse uluk taka endik thin a nih thu a sawi a. Electoral Registration Officer Pu Chandrakant Bagoria, Assistant Electoral Registration Officer Pu R. Lalrinhlua leh Pi Lalthanpari Khawlhring te chuan uluk tak leh fimkhur taka hearing an neih dan report an pe a. District Media Nodal Officer Pi Lalchungnungi Lakher pawhin publicity lama hmalakna hrang hrang report a pe bawk.

SIR 2026 kal mekah hian Khawzwl District-ah hearing nei turin notice 2181 pek chhuah niin, hearing 2177 neih tawh a ni a, a bak hi awm chin hriat loh emaw biak pawh theih loh avanga hearing neih theih loh a ni a, July 29, 2026 khan hearing hi zawh fel tawh a ni.

District Election Office-ah document endik tur 814 a lut a, document 595 endika pawm tawh a ni. Tun dinhmunah notice pek chhuah leh hearing neih tawh atanga paih ngai mi 200 an awm a, Draft Roll-a hming chuang tawh 17,547 atanga Final Roll-a hming chuang zui thei hi mi 16,431 an awm a, a kiamna hi 1116 a ni a, endik hna a la kal mek avangin Final Roll-a chuang tur hi a la pung dawn a ni.

Form-6 hmanga inziaklut thar hi mi 344 an awm a, Form-8 hmanga 22-Tuichang AC-a insawn dil phalsak hi mi 44 an awm a, Form-7 hmanga Electoral Roll atanga hming paih hi mi 194 an awm a ni. Tun dinhmunah hearing neih tawh atanga Final Roll-a hming chuang zui thei leh Form hrang hrang hmanga dilna lut pawmsak tawh belhkhawm leh paih ngai paih hnuin Final Roll-a hming chuang thei tura ngaih hi 16,798 a ni.

1. Report in connection with disposal of claims and objections during SIR 2026 as on 14^th August, 2026

1. Report on Disposal of Forms during SIR 2026 as on 14^th August, 2026

1. Total Voters included for Final Roll based on Hearings and Form Processing : 

(Found Eligible + Total Form 6 +Form 8(shifting from outside AC) - form 7)

16431 + 344 + 44  – 21 =16798