1785/2026-2027

Dated Serchhip, the 14^th August, 2026: Vawiin khan Serchhip District Additional Deputy Commissioner Pi Dorothy Muansangi hovin, August ni 12 2026-a DC office leh MJA ten Khumtung leh keitum inkar kawng siam that hna thawh mekte an endikna report thlirletna neih a ni a, he hunah hian MJA, Sub Hqrs YMA, Joint VC hruiatute, NHIDCL, Authority Engineer leh kawng siam that hna thawktu KRAM Infracon Pvt. Ltd aiawhte an tel.

NH Line Officer,  SDC  Pu Chawngthu Lalrinhlua hnen atangin endikna report ngaihthlak a nih hnuin sawi hona neih a ni a; Pacage 1 leh 3 kawngte chu a that thawkhat thu sawiin, KRAM Infracon Pvt. Ltd. te thawhlai, Package 2 kawng siam erawhin duhthu a sam lo hle nia an hriat thu endiktute chuan an sawi a, KRAM infracon Pvt. Ltd aiawhte leh kawng siamtute chu a chhan leh a vangte an zawt bawk.

Khawtlang hruaitu Sub Hqrs YMA leh  VC te chuan KRAM Infracon Pvt. Ltd te hmalakna chu an duhkhawp loh thu sawiin hun tiam chhunga an thawk tha lo emaw, an kut hnuin mit a tlung lo a nih chuan, na zawk  leh ngawrh zawka hma an lakzui tawh tur thu an sawi bawk.

ADC Pi Dorothy Muansangi chuan kawng tha kan neih theih nan mipuite kan tanrual a ngaih thu sawiin mi tute pawhin hna thawh tha lo an hmuh chuan thla la a, thuneitute hnena report thin turin a sawm bawk.

Vawiin meeting-ah hian August ni 21-ah Joint inspection neih leh tura rel a ni.

August ni 6, 2026-a Deputy Commissioner Pu Paul L. Khuma hova rorel thutkhawmah, helai kawng siam that hna thawktu Contractor te chuan ni 15 chhunga kawng khuar chhe laite an hnawh phui vek tur thu an lo sawi tawh a. Hei hi an tihlawhtling lo a nih chuan dan angin an chungah hremna lekkawh a nih tur thu pawh hriattir an ni tawh a ni.