Vawiin chawhma khan Serchhip District Bawrhsap Meeting Room-ah kumin kum tawp lama Mizoram Inthlanpui lo awm tur atana hman tur Electronic Voting Machine (EVM) endik thawh hnihna neih a ni a. He hun hi Pu Lalsangliana, Addl. DC leh Pu Lalhmansanga Election Officer te chuan kaihruaiin ECIL Engineer ten EVM endik hna hi an thawk a ni. He hunah hian Serchhip District chhunga Political party hrang hrang aiawhte an tel bawk. Vawiina EVM endikna-ah hian Control Unit 4 leh Ballot Unit 7 endik niin heng khawlte hi an tha tawk tih finfiah a ni. Vawiina khawl endikte nen hian avaiin Serchhip district-ah EVM hman tur 101 a awm a ni.

EVM endik anih hnu hian Election Officer pisa ah Serchhip District Electoral Roll Observer Pu P.Lalchhuanga, IAS hovin, Election buaipuitu Official te an inkawmkhawm a, Electoral Roll Final Publication hunbi tiam August ni 16, 2013 ah Serchhip District chhunga Assembly Constituency pathum (26- Serchhip, 27- Tuikum leh 28- Hrangturzo) a Electoral Roll kimchang chu tarchhuah hman anih dawn thu Observer hnenah hian hriattir a ni a, Electoral Roll Observer pawhin Electoral Roll buaipuina kawnga Serchhip District-a official te inbuatsaihna chu tha thawkhata a hriat thu leh lungawithlak a tih thu a sawi a, Official te pawhin Electoral Roll publish na tur a an mamawh hmanrua engkim an neih fel thu leh harsatna an tawh loh thu sawiin, Draft Electoral Roll tarchhuah anih atanga tun thlengin sawiselna pakhatmah an dawn rih loh thu an sawi bawk.

He inkawmkhawmna ah hian Pi Juhi Mukherjee, IAS, District Election Officer , Serchhip., Pu Lalsangliana, MCS, Addl. D.C. Serchhip, Pu Lalhmansanga, MCS, Election Officer leh Pu Andrew H. Lalremruata, MIS, DIPRO te an tel a ni.