No.6803/2020-2021

Kolasib 8th December 2020: Vawiin chhun khan Pi.Lalzarmawii, IAS, Secretary, AH&Veterinary Department chuan Electoral Roll revision inbuatsaihna kalpui mek endikin Kolasib a tlawh a. DC Conference Hall, Kolasibah Dr.H.Lalthlangliana, District Election Officer hovin thutkhawmna neiin Electoral Registration Officer, Assistant Electoral Registration Officer, Political party hrang hrang aiawhte leh District Level Standing Committee member-te an tel a ni.

Pi. Lalzarmawii, Electoral Roll Observer chuan Mizoram chu inthlanna felfai leh thianghlim kalpuina thin state anga ECI te hriat thin a nih thu sawiin hei hi District Election Office, Official leh NGO hrang hrangte bakah Political party a hruaitute nen thawhhona tha tak a awm vang a nih thu a sawi bawk a ni. Electoral Roll Observer chuan Vote thlak chu India danpui hnuai a kum 18 tling tawhte tan a chanvo kan neih pawimawh tak a nih angin E-Roll siamthat hun te ngai pawimawh turin leh January ni 1, 2021 thleng a kum 18 tling thar tur zawng zawngte chu E-roll buatsaih lai a an hming ziahluh a nih ngeina tura hma laturin kalkhawmte a chah a ni.

Pu. Vanlalchhuanawma Chawngthu, Election Officer chuan Draft Electoral Roll tlangzarh a nih tawh thu leh Political Party aiawhte hnenah a bu leh a Softcopy nen pekchhuah vek a nih thu a sawi a, dilna hrang hrang dawn theih hun chu ni 15, December 2020 a nih thu a tarlang bawk a ni. Electoral Roll Observer hian Standing Committee, Political Party aiawhte leh Official dangte nen inkawmna a hman zawh hian Polling station-te a tlawh kual nghal bawk a ni.

Ni 7.12.2020 thleng a dilna lut tawh zat:

Form 6 (18-19) hmang a kum tling thar hming ziak lut tur a dilna lut tawh zat: