3192/2024-2025

Dated Serchhip, the 26^th November, 2024: Election Commission of India aiawh Electoral Roll Observer Pi Zodingpuii chuan vawiin khan Serchhip District a tlawh a. Serchhip DC Meeting Hall-ah Serchhip District Election Officer Pu Paul L.Khuma hoin meeting an nei a ni.

Pi Zodingpuii hian Serchhip District Election Office inbuatsaihna a endik a. An hmalak tawhna leh hmachhawp te a enpui a. Zawhna awm thei te zawtin, inhrilhfiahna hun hman a ni a. Serchhip District inbuatsaihna chu tha thawkhat hle a a hriat thu a sawi a ni.

Ram dang mi lo lutte engemawzat an awm avangin fimkhur taka hma la turin Observer chuan thawktute a hrilh a. Ramri dep khuaah te fimkhur lehzual a tul thu a sawi a ni.

Serchhip DC Office aiawhin Election Officer Pi F Lalnisai chuan Serchhip District dinhmun tlangpui a sawifiah a. Serchhip District ah hian Assembly Constituency pathum - 26-Serchhip (ST) AC, 27-Tuikum (ST) leh 28-Hrangturzo (ST) AC a awm a. Heng Constituency pathumte hu ERO leh AERO pakhat theuhin an vil a ni.

29.10.2024 Draft Roll-a a lan danin Serchhip  District ah hian General Elector 54,658 an awm a. An zinga 26,275 chu mipa niin hmeichhe voter 28,018 an awm a ni. 26-Serchhip (ST) AC ah voter an tam ber a, mi 20,679 an awm a. A dawttu 27-Tuikum (ST) AC ah voter 16,941 an awm a. 28-Hrangturzo (ST) AC ah hian voter 16,673 an awm a ni.

Vawiin meeting-ah hian Serchhip DC Office hotute, I&PR official te, BLO te,  YMA hruaitute, MJA te an tel a ni.