Vawiin chawhma dar 11 khan Pu K. Riachho, IAS, Chief Electoral Officer chuan a office chamber-ah Electoral Roll Observer Briefing a nei. Roll Observer atan hian IAS Officer mi pali (4) ruat an ni a.

Pu K. Riachho chuan Electoral Roll Revision neih mek hi remchanga hmanga, India khua leh tui kum tling zawng zawng ten roll a hming an thunluh a, roll atanga paih ngai chi hrang hrang te paih an nih theih nan tan la tura District Office lam te nena meeting an lo neih tawh thu sawiin, Electoral Roll Revision hi tluang taka a kal theih nan Electoral Roll Observer te hian mawhphurhna sang tak an neih thu leh field lama thawktute a tul anga thurawn pe a, kaihruaia uluk taka an hnathawh dan vil veltu an nih thu leh, taima taka thawk a, an mawhphurhna hlenchhuak turin a chah a ni. Roll Revision neih chhungin, claim and objection neih lai leh disposal of claim and objection leh final publication tih dawnah district an tlawh ngei tur a ni a, district bakah constituency te pawh tlawh tura beisei an nih thu te a hrilh a ni.

Roll Observer atana Election Commission-in a ruatte chu heng mite hi an ni : 1. Pu R. Lalvena, IAS - Champhai & Aizawl District 2. Pu Nikhil Kumar, IAS - Saiha & Lawngtlai District. 3. Pi M. Zohmingthangi, IAS - Lunglei & Serchhip District 4. Pu Zothankhuma, IAS - Mamit & Kolasib District