Election Commission of India-in a phut angin ni 1.1.2013 tehfunga hmangin State leh Union Territories zawng zawng (Gujarat leh Himachal Pradesh tel lovin) “Special Summary Revision of Electoral Rolls, 2013” neih tur a ni a. Mizoram-ah pawh hemi tana inpuahchah tan nan Aizawl District huamchhunga Assembly Bial tina Supervisor leh Booth Level Officer te tan Traning neih tur chu vawiin khan Aizawl DC Conference Hall-ah Aizawl North-I , Aizawl North-II, Aizawl North-III leh Aizawl East-II te tan neih tan a ni a. A tahtawlin Assembly Bial dangte tan pawh neih chhunzawm zel a ni ang.

Mizoram pum Electoral Roll hman mek chu 1st-31st October, 2012 chhung hian ECI duhdanin DC/DEO office-ah tarchhuah a ni ang a, hemi hun chhung vek hian hming thun luh duh emaw paih duh emaw tih dik ngai eng chi pawh hawn a ni ang. Nakum ni 1.1.2013-a kum 18 tling tur chinte tan Roll-ah hian hming pek luh theih a ni a. Roll chungchanga sawi duh leh endik ngai zawng zawng te chu 16th November, 2012 ral hmaa peih fel vek tur niin Electoral Roll thar chu ni 5th January, 2013-ah tar chhuah a ni dawn a ni.