Nimin khan East Lungdar Hruihzau Zauah lo neitu chhungkaw 75 chuan a huhovin 'Lo zawh' runpui an nei a, he hun hi Serchhip atangin District Agriculture Officer, Pu James Lalsiamliana leh Pu Andrew H. Lalremruata, MIS, DIPRO ten an hmanpui.

East Lungdar Hruihzau Zau hi khawchhung atanga kilometer 7 vela hlaa awm niin, chhungkaw 75 in tin 160 hmun vela zauah lo an nei a, sawrkar atangin tanpuina pakhatmah an la lo a ni. Hruihzau Zaua lo neitute chuan khuanuin zah a ngai a, an buh leh thlai te ramsa leh hrilengin a tihbuai loh thu leh buh pawh an thar that an in beisei thu an sawi.

Pu James Lalsiamliana, DAO pawhin Hruihzau Zaua loneitu ten sawrkar tanpuina dawng lo chung pawha theihtawp chhuaha, hlawhtling taka lo an zo thei chu entawntlak a tih thu leh fakawm a tih thu sawiin, sawrkar pawhin hetiang kuthnathawk taimate hi a tanpui chak ber an nih avangin, hun lo kal turah kawng awm theih dan ang angin chhawmdawl an tum thu a sawi bawk a ni.