Nimin khan Swatchh Bharat Abhiyan Sub Group of Chief Ministers chuan New Delhi, NITI Aayog ah final meeting an nei a, Chief Minister Pu Lal Thanhawla chuan 6th Scheduled State te a thingtlang local bodies hnenah abika tanpuina (special grants) ruahman nise tiin leh, hmun kilkhawr leh harsatna hmunah senso sang zawka inthiarna (toilet) siam nise tia a rawtna chu final meeting hian a pawm.

Final meetingah hian draft report pharh a ni a, meeting hian a pawm bawk a. Thil chi hrang hrang sawihona an neih zingah Swatchh Bharat Abhiyan projects kalpui nan Special Category State te tan 90:10 pattern a kalpui turin sorkar laipuiah rawtna thlen nise an ti bawk a ni.

Final Meeting hi Andhra Pradesh Chief Ministerin Convener anihna anga kaihruaiin, Mizoram Chief Minister bakah Maharashtra, Haryana, Karnataka leh Uttrakhand Chief Minister te an tel a. Delhi, West Bengal, Bihar leh Sikkim aiawhte an tel bawk a ni.

Attachment

  • Loading attachment...