265/2024-2025 

Mamit 18th April, 2024 : General Election to Lok Sabha, 2024 Model Code of Conduct (MCC) puan a nih atangin Excise & Narcotics Department (END) Mamit chuan District mipuite'n inthlanna muanawm tak an neih theih nan ruihhlo do beihpuithlakin hma a la a. Mamit leh a chhehvel khua atangin ruihhlo thahnem tak man a ni tawh.

Model Code of Conduct puan a nih March Ni 16 atanga April Ni 17, 2024 chhung hian END, Mamit chuan Rakzu - 232.525 litres, Zu bilh lai - 851 tins, Zu thlawrna bel - 27 nos, No. 4 (Heroin) - 37.930 grams, Nap-10 - 3.200 grams, Ganja - 10 grams man tawhin Case register 34 leh mihring man 28 an awm bawk a ni.

Pu Lalsangzuala Ralte, Asst. Commissioner, END Mamit chuan Zu leh ruihhlo dona kawngah Kohhran thalaite leh NGO hruaitute thawhpuina tha tak an dawn avangin lawmthu sawiin Sawrkar thawhpui zel turin a sawm a. Mamit District chhunga Drugs (Heroin) lo lut tam ber hi Badur (Tripura) leh Satmara (Assam) atangin a nih thu sawiin hemi dang chat tur hian END te'n theihtawp chhuaha hma an lak mek thu a sawi bawk.