264/2024-2025 

Dated Serchhip, the 18^th April, 2024: Serchhip District chhung Assembly Constituency pathuma MP Election 2024 a duty tur Polling Party te chuan vawiin khan District Election Office tualzawl atangin an duty na hmun tur panin an chhuak fel.

Serchhip District chhung Polling Station 88-a Duty tur Polling Party leh Reserve Team turte tihfel a nih hnuah vawiin khan Polling Party hrang hrangten inthlanna hmanrua an hman tur EVM leh VVPAT te pekchhuah nghal an ni a, an Duty-na tur Polling Station theuh an pan nghal a ni. Serchhipah hian Polling Station hla zual, inthlan hma ni hniha pan ngai P-2 Polling Station a awm loh avangin vawiin khan Polling Party zawng zawng te hian an duty na hmun tur an pan a. Zing dar 8-ah strong room hi District Election Officer Pu David Lalthantluanga leh Senior Micro Observer Pu Robert Zosangliana hovin hawn a ni a. Zing dar 9:00 atangin Polling Party te hian a tahtawlin an duty na hmun tur Polling Station an pan a ni.

Polling Station hla ber hi Hrangturzo Assembly Constituency Segment chhunga mi 28/22 Sailulak a ni a, 79.5km a hla a ni. Polling party te hi an Polling Station hlat dan a zirin an chhuak a. A chhuak hnuhnung ber te hian chawhnu dar 2 ah Serchhip DC tualzawl an chhuahsan a ni.

Polling Party kalchhuak te hi District Election Officer Pu David Lalthantluanga, Adl. DC Pu James Lalnithanga, Election Officer Pu Gaston Vanlalhriatpuia leh official dang ten an vailiam a ni.