DC, Aizawl leh English Learning Foundation (ELF), Chennai te thawhhona hnuiah vawiih khan Aizawl chhunga school 7 te hnenah laptop sem a ni a. Aizawl District Bawrhsap Pu Vanlalngaihsaka chuan DC Conference Hall ah laptop te hi a dawngtu school te hnenah a hlan. Aizawl Bawrhsap Pu Vanlalngaihsaka chuan English Learning Foundation (ELF) Chennai nena thawhdun theia hma lo la tu Aizawl Bawrhsap lo ni tawhte, SSA leh school zirtirtute hnenah lawm thu a sawi a ni.

Zirlai naupangten English an zir theihna tura hmalakna atan hian kum 2017 khan Aizawl DC hmalakna in English Learning Foundation, Chennai hian Primary School 12 leh High School 10 an thawhpui a, zirtirtu te hian video conferencing hmangin training an nei vek tawh a ni.

Vawiin-a laptop dawng school te chu :- Govt. Chhinga Veng Primary School, Chhinlung Academy, Govt. Dam Veng Primary School, Govt. Dawrpui Model School, Govt. Model Primary School-2, Govt. Lungbial Primary School leh Govt. Phunchhawng Primary School te an ni a.  Govt. Bethlehem Primary School, Govt. Chandmari Primary School leh Upper Republic Primary School te chu a hma in pek an lo ni tawh bawk a ni.