National Population Register (NPR) hna kal lai meka inchhiarna chu update a ngaih avangin vawiin khan Champhai Town Charge I & II leh Champhai Town - Rural huamchhunga Enumerator te tan I&PR Conference Hall-ah zirtirna buatsaih a ni. He training-ah hian NPR a hmalakna hmasa a hmaih palh te, hming dik lo siam that ngai te, Pianni leh Kum siam that ngai te leh hming thun thar ngai te in tinah kalin hmalak tur a ni a. Enumerator te hian Dt. 5.10.2015 atanga Dt. 16.11. 2015 chhungin hna hi an thawk dawn a ni.

He hun hi Pu H.Lalhminghlua Charge Officer, Champhai Town Charge I in a kaihruai a, Pi Lalhruaitluangi SDC & Nodal Officer chu Resource Person niin. Pi Josephine Zorammuani, Charge Officer, Champhai Town Charge II in a tel pui bawk. Vawiin training ah hian Enumerator mi 68 an kal thei a ni.