3399/2022-2023
Dated Aizawl the 28th January 2023: Vawiin khan Pu TJ Lalnuntluanga, Environment,Forests and Climate Change Department Minister chuan EF&cCc department kum 50 tlin lawmna,Forest training school,Bethlehem Vengthlang, Aizawl a neih chu a hman pui.
He jubilee lawmna a khuallian ,Environment and Forest Minister Pu TJ Lalnuntluanga chuan Forest department chu Department pawimawh leh hmasawn chho zel anih chu lawmawm a tih thu a sawi a, Golden Jubilee an thleng thei chu a lawmpui zia thu a sawi.
Minister chuan kan ram a thing leh mau leh nungchate kan humhalh na kawng a tan an lak zel na ah Forest Department pawimawh zia sawiin, Department thawktu kalkhawmte hnenah chuan an hmalakna kawngah mipui te ngai pawimawh a a tam thei ang ber a mipui te nen a kan thawhho thiam (people's participation ) a pawimawh a ni, a ti a. Forest department chuan agro forestry lamah pawh hma a lak chhoh zel thu sawiin , lo nei mi ten Department an lo hlawkpui chhoh zel na tur a ni ,a ti a. Mipuite tana theihtawp kan chhuah a mipuite support kan hmuh hian keimahni tan pawh hnathawh a awlsam in a hlawk phah hle a ni, a ti bawk .
Golden Jubilee lawmna inkhawm ah hian PCCF Pu RK Singh pawh in thusawina hun neiin Golden jubilee an thleng thei chu a lawmawm a tih thu a sawi a. Tun dinhmun an thlen theih na chhan chu hun kalta a thawktu leh hruaitu hmasa ten rim taka an lo thawh rah a ni, a ti .
He kum 50 tlin lawmna ni pahfawm hian nimin dt. 27.1 2023 khan Jubilee Green Rally neih a ni a, he rally ah hian Department mi leh sa bakah YMA te leh Environmental NGO hrang hrangin an hmanpui bawk. Vawiin a Golden Jubilee pual a lawmna inkhawm ah hian hian Department Field Staff thawk tha zual 4 te hnenah Golden Jubilee Excellence Award hlan a ni a. Chungte chu-
1. Golden Jubilee Excellence Award for Excellency in Forest Nursery- Pu. C Vanlalruata, Forest Guard
2. Golden Jubilee Excellence Award for Excellency in Forest Plantation- Pu Jose LP Thanga, Forester
3. Golden Jubilee Excellence Award for Excellency in Forest Protection - Pu Laltlansanga Khiangte, Forest Guard
4. Golden Jubilee Excellence Award for Excellence in Public Relations- Pu Lalsangzuala, Forester.
1972 a Mizoram UT anih kum khan Forest Department hi Full fledged Department a hlan kai niin Forest Department tih ni thin kha kum 1987 ah Environment &Forest Department tih a ni a, Kum 2016 khan Environment, Forest and Climate Change Department ti a thlak a ni.
He ni lawmna pual a inkhawm hi Environment and Forest Minister Pu TJ Lalnuntluanga bakah Forest Department thawk mek staff te, thawktu retired ta te leh sawm bik mi pawimawhten an hmang a ni.
Attachment
- Loading attachment...
