No.4124/2021-2022 

Aizawl, the 26^thJanuary 2022 : Vawiin khan Environment, Forests & Climate Change Minister Pu TJ Lalnuntluanga’n Bethlehem Vengthlanga a awm, mau leh hnang(rattan) zirbingna hmun Forest Research Centre for Bamboo & Rattan (FRC-BR) a tlawh a. Centre a awm Laboratories leh hmun dangte fangkualin Centre a thawk mithiamte nen inkawm hun tha tak an nei zui nghal a ni. 

Pu TJ Lalnuntluanga chuan FRC-BR a thawk mithiamte chu mau leh rattan chi tha, Mizorama chaw lut a, heng hmanga loneitute leh kuthnathawktute dinhmun siamthat theih dante leh hlawk zawka an eizawnna kawngte tihpun a nih theih nan hengte hi an zirbingnaa ngaipawimawh turin a chah.

Minister hian mihring thiamna hmanga nauban tihpunna ‘Artificial Pollination of Orchids’ chungchanga Centre in DVD an siam chu a tlangzarh bawk a ni.