No.4123/2021-2022 

Aizawl 26.02.2022: Vawiina Mizorama lo thleng Union Minister of State for Health & Family Welfare Dr. Bharati Pravin Pawar chuan tlai khan Chief Minister Pu Zoramthanga chu a chenna ah hmu in, health services chungchanga Mizoram mamawh leh hmalaknate sawiin an inkawm.

Chief Minister chuan Union Minister of State chu Mizoramin hriselna lama harsatna hrang hrang kan neih te leh inenkawlna tihchangtlun kan mamawhna te a sawipui a. ZMC tihchangtlun belh dan tur te leh specialty hospital Mizoramin a mamawhna te a sawipui bawk. Mizoram mai bakah state thenawm leh ramri a țawmpui ram pahnih a awmte tan pawh a tangkaipui theih khawp a healthcare service tha siam a duh thu a sawi. Union Minister chuan Mizoram chu kawng hrang hrangah hmasawn tura theihna, potential tha tak a nei tih a hmuh belh zel thu sawiin, hriselna tihhmasawn leh inenkalwna tichangtlung tura Mizoram tan theihtawp a chhuah tur thu a hrilh bawk a ni.

Union Minister of State Dr. Bharati Pravin Pawar hi naktuk hian Mamit District a tlawh dawn a ni.