Mamit District chu Pawnlera Daikal/inthiar awmlohna, Open Defecation Free(ODF) District-a a lo inpuan tak avangin Block level leh District level atanga endik a nih hnuah State Level atangin endik hna ngawrh taka kalpui mek a ni a. March 5 & 6, 2018 khan zan hnih riakin SBM(G) Mission Director, Chief Engineer, PHED Zone-I ni bawk Er. C.Lallunghnema chuan Mamit District chhunga heng khua W.Phaileng, Kawnmawi leh Teirei/Hruaitluang-te hi a endik a ni.

Er C.Lallunghnema chuan ODF verification a neih chungchang sawiin a kilkhawr leh veng tlabirh deuhah pawh rin phak baka sanitation lama hmasawnna hmuh tur lo awm ta leh a bikin inthiarna fumfe tak School, Anganwadi leh chhungtinin nei a, an hmang tangkai ta chu lawmawm a tih thu a sawi.

Er C.Lallunghnema hian ODF Verification a neih pah hian khaw hrang hranga an tuilak dinhmun te enfiah nghalin Marpara thleng a tlawh nghal a ni.

Er C. Lallunghnema hi W.Phailenga a riahna hmunah KTP General Conference Organising Committee  Chairman, Rev. RK Lalnunmawia leh Pro Pastor V.Lalmuanpuia te'n KTP General Conference chhunga PHE Department hmalakna avangin lawmthu an lo hrilh a. KTP Pandal thiat hnatlangte thingpui lumna turin Rs 3,000/- a pe bawk a ni.

Er C.Lallunghnema hi Er. Lalzawmliana, Sr.EE/PHED Mamit, Pu Lalrosiama, SDO/PHED W.Phaileng, Pu Rodinpuia, JE leh Pu Thantluanga, JE te'n a hnungzuiin a khaw neitu VC te'n an lo tawiawm zel bawk a ni.