Er. H. Lalzirliana Mamit Bialtu MLA chuan Ni 23-25 November, 2019 chhungin a bialchhung khua Suarhliap, Damdiai, Vawngawnzo, Lengpui leh Lengte khuate a tlawh.

Bialtu MLA chuan Mamit to Bairabi kawng chu kawngpui pawimawh tak Assam State nena inkalpawhna leh chak lakna kawng ber anih avangin Mizoram Sawrkar pawhin a ngaipawimawh hle a, Kawngpui siam leh tihzauh nan tender chhuah mek a ni a. Tun atanga reiloteah kawngpui zau leh tha tak kan neih thuai a beiseiawm a ni a ti. Mamit District-in kawlphetha/eng  lama kan harsatna sutkian nan tunah hian 132kV Line Bairabi to W. Phaileng via Mamit chu chak taka hna thawh mek zel a ni a. Mamit District chuan hmasawnna hmelthar kan hmu chhoh mek zel a ni a ti bawk.

Er H. Lalzirliana, Bialtu MLA, Vice Chairman,  Mizoram Road & Infrastructure Development Board chuan NH 44A kawngsial hna thawh mekah hna hautak lai ber Dampui hnuai khawih mek chu hnathawktu Gayatri Company lam pawhin December 15-ah chuan sial tlang hman an tum thu a sawi bawk.

Pu Zira chuan Mizoram Sawrkar hnuaiah Mamit District chuan hmasawnna hmel a hmu chho mek zel a. Health Sector bikah Company (CSR) atangin 12 Crore pawm tawh a ni a, kan hmuh thuai a beisei thu sawiin, sawrkar ruahmanna angin nakum hian Police engemaw zat lak tum a ni a, Chumi a tling thei tur chuan bialchhung thalaite chu an taksa lo inla fit turin a chah bawk a ni. Bialchhung khua Suarhliap khua-in tui harsatna an neih mek chu PHED hmalakna-in tui hnianghnar tak an neih theihna tura buaipui mek a ni a ti bawk.

MLA hian Lengpui Model Branch YMA-te'n an Rising Day Vawi 8-na an hmannaah khuallian ni-a telpuiin Lengpui khua chu Mizoram kawtchhuah, Airport awmna anih avangin Security chungchangah theihtawpa tan lak mek anih thu sawiin Police Station pangngai ni turin buaipui mek a ni a ti. Lengpui Model Branch YMA Member, zirna-a hlawhtlingte hnenah chawimawina thuziak a hlan bakah Lengpui Model YMA te'n tangkai taka an hman turin Oxygen bur leh Computer a pe a. Model veng Volleyball Court thar tur hi a hawng nghal bawk a ni.

Mamit bialtu MLA hian Lengte-a thir sawngbawlna hmun ISPAT leh Lengte khua tlawh bawkin Lengte YMA Hall, MLA Fund-a sak mek leh khawtlang Development hna thawh mekte a hmunah a tlawh bawk.

Bialtu MLA hi a bialchhung khawtlang te'n an khua a tlawhna-ah an lo lawm hle a. An harsatna tawh hrang hrangte an lo thlen bawk a ni.