Vawiin khan Er.H Lalzirliana, Bialtu MLA chuan a bialchhung khua Nalzawl, Saipuilui, Bâwngva khuate a tlawh.

Bialtu MLA hi bial mipuite'n ropui taka lo lawmin, khawtlang mipuite nen inkawmhona neih a ni.

Pu Zira chuan bial mipuite tan, a hun leh tha a neih sum thlengin insenral a tul anih pawha insen zêl a inhuam thusawiin District hnufual leh bial hnufual kan nihna lak atanga khaichhuak tura theihtawp a chhuah dawn thu a sawi.

Bialtu MLA chuan bial mipuite chu khawtlang thilte hlutthiama, hmangaih turin a chah a, Kan khawchhung thilte chu midangin min rawn hmangaih sak dawn loh avangin, Khawtlang hmasawnna atana Sawrkar Development lokal thinte hi a nihna tur ang taka hmang turin mipuite a chah bawk a ni.

Er Lalzirliana, Bialtu MLA hian a bial fanna khaw hrang hrangah hian an khawtlang mamawh thil chi hrang hrang a pe bawk.

Bialtu MLA hi Mamit atangin khawtlang hruaitute'n an tawiawm a ni.