Kum tina an lo tih thin angin Officers' Club Lawngtlai chuan nimin leh vawiin khan Lawngtlai khawpui chhunga damdawi in, home, jail leh chhungkaw khawsak harsa te hnenah Krismas thilpek atan tangka fai an hlan.

Krismas dawnah OCL member-te'n an remchan ang tawk pawisa thawh khawmin Lawngtlai khawpui chhunga chhungkaw khawsak harsa zualte hnenah thilpek an lo hlan thin a. Kumin hian "Bahhnukte Charity" tih hming chawiin pawisa hi thawh khawm niin, heta pawisa tling khawm hi nimin leh vawiin lam khan an sem ta a ni.

Bahhnukte charity hi OCL patron, Lawngtlai Bawrhsap Pi Shashanka Ala, IAS leh Sr Vice President, Lawngtlai DSO Pu R. Lalbiakthanga te kaihhruaina hnuaiah member thahnem tak thawk chhuakin heti ang hian sem a ni:

1) District Hospital Lawngtlai poor fund - Rs. 10,000/-
2) Christian Hospital Lawngtlai poor fund - Rs. 10,000/-
3) Lairam Christian Medical Centre & Hospital poor fund - Rs. 10,000/-
4) Lairam Motherless Home - Rs. 3,000/-
5) Observation Home - Rs. 3,000/-
6) District Jail - Rs. 3,000/-
7) Khawsak harsa chhungkaw 16 - Rs. 2,000/- theuh.