Vawiin khan EE, PHED Office Chamber Mamit-ah Pu C. Chawnghnuna, Superintending Engineer, PHED Sewage & Sanitation Circle leh Pi Lalbiaknikimi, EE Sewage & Sanitation Division PHED Aizawl hovin Mamit khawpui tana Sewage Treatment Plant Site chungchang ngaihtuaha thutkhawm a ni a. Meeting hi Pu Lalzawmliana, Sr. EE, PHED Mamit chuan a kaihruai.

Meeting-ah hian chhungtinin kan hman Septic Tank Drainage System mumal zawka kalpui anih dan tur ngaihtuah niin a hmun bika paih a, hmanraw chi hrang hrang hmanga mumal zawka sawngbawl a, huan lo ram tana hmantlaka siamchhuah tuma ruahmanna neih a ni.

Sewage Treatment Plant hmun hi Mamit chhuahlam leh tlaklamah siam tum niin a tul dan azira dah belh zel tum a ni a. Septic Tank khat paiha eizawng thin tan pawh a paihna hmun bik siam anih chuan a samkhai dawn bakah mipuite hriselna atan pawh a that zawk dawn thu Meeting-ah hian tarlan a ni.

Sewage Treatment Plant Site siamna tur hmun hi Mamit khawtlang hruaitute'n hmun remchanglai an pek theih dawn avangin Pu Lalzawmliana, Sr. EE, PHED Mamit chuan lawmthu a sawi a. Khawtlang hruaitute nen a hmunhma tur atana ruahman hi en ho nghal a ni.

Vawiin Meeting-ah hian Khawtlang hruaitute, tlawmngai pawl hrang hrang aiawhte leh thutharthehdarhtute an tel a ni.