447/2023-2024

Mamit 13th May, 2023 : Vawiin khan Er. H. Lalzirliana, Mamit bialtu MLA, Vice Chairman, Road & Infrastructure Development Board chuan a bial chhung Lengte leh Nghalchawm khuate tlawhin hmasawnna hnathawh mekte leh hmalakna turte a hmunah a tlawh.

Khawtlang mipuite nen an inkawmhona-ah Bialtu MLA chuan thu sawiin Sorkarna an chelh chhungin harsatna tam tak Sorkarin a tawk nasa em em a. Hun rei tak hripuiin min tihbuai bakah ramri buai kan tawng chho leh bawk a. Ran hrilengin min tihbuai leh hnuin thenawm ram hrang hrang atangin kan unau raltlante buaipui a lo ngai leh a, harsatna hrang hrang karah Sorkar chuan theihtawp a chhuah takzet a. Ei leh bar, nitin khawsakna kawngah pawh harsatna nasa lutuk tawk lovin kan inkhai chhuak thei a ni a ti. Sorkarin ram mipuite tana a hmalakna hi hmuh hmaih chi a ni lo a, hriatreng a nih tawh tur thu a sawi.

Harsatna hrang hrang karah pawh kan ram tan hriatreng tlak, hmasawnna ruhrel lian tak tak din niin Infiammi, Zirlaite leh kut hnathawktute tan rahbi thar pawimawh tak tak sorkarin a buatsaih nasa hle a, rahbi thar thil tam takah kan chuangkai bawk a ni a ti. Ram leh hnam tana Sorkarin theihtawp a chhuahna-ah hian mipuite duhkhawp lohna leh tlin tawk lohna pawh kan neiin a rinawm a, chung ang thilte chu a sorkar ang pawhin kan pawm em em a, Pathian tanpuina leh ram mipuite'n Sorkar an thawhhopuina a zarah hmalam hun eng tak kan nei zel dawn a, hmasawnna ropui tak kan hmalam hunah kan la tawng chho zel dawn a ni a ti bawk. 

Mamit bialtu MLA hian Tui dahkhawlna Plastic tuizem Lengte khua-a chhungkaw 30 hnenah pein, Nghalchawm khua-a Chhungkaw 31 te a pe bawk a ni.