1303/2023-2024

Mamit 28th July, 2023 : Er. H. Lalzirliana, Mamit bialtu MLA, Vice Chairman, Road & Infrastructure Development Board chuan vawiin khan Vawngawnzo khua-a Mini - Sadbhav Mandap (Multipurpose Community Centre) chu khuallian niin a hawng.

Khuallian Mamit Bialtu MLA chuan Vawngawnzo khuain Hall tha tak mai an nei ta chu a lawmpui thu sawiin mipuite'n kan ta anih ang ngei a, dimdawi thiam tur leh neitu nihna nena enkawl turin a chah.

Mizoram Sorkar-in harsatna hrang hrang a tawk a, tuna Covid-19 a ziaawm tawh hnu thleng pawhin Covid-19 nghawng kan la tuar zel a, Central-a Project thehluhte pawh tihhlawhtlin theih loh tam tak awmin Budget pass tawh sa cheng Vaibelchhe 3000 chuang ngawt pek theih ka ni lova, Sorkar hnathawk Pension leh thite hnawhkhahna tur pawh kan nei hleithei lova, kan thenawm ramte atangin raltlan kan ration card min rinpuitu thahnem tak kan nei bawk. Heng zawng zawngte avang hian ram tana ruahmanna te duh anga kalpui theih ni vek lo mahse Sorkar chuan theihtawp a chhuah mek zel a ni tiin Vawngawnzo khuate chu an ngaihtuahna tichangkang tur leh an khaw hawi tidik tura fuihin nakin lawkah kawng tha tak (NH 108) -in a paltlang kawngpui lian kan nei dawn a, khualzinte tana chawlhna tlak khua ni turin a chah bawk.

Khuallian hian Vawngawnzo khawtlang tan Football, Volleyball, Net leh Silpaulin a hlan nghal bawk a ni.

Pi J. Lalramhmangaihi, JE, O/o BDO Zawlnuam RD Block chuan Technical Report pein Vawngawnzo khua-a Mini - Sabhav Mandap hi Aspirational District Programme, NITI Aayog, Gov.t of India hnuaiah cheng Nuai 50 (sawmnga) senga sak niin Ni 24.6.2022 -ah a sak hna hi tan niin Ni 12.10.2022 -ah sak zawh a ni. Hall hi a dung lam 19.2 m (64 ft) leh a vang lam 10 m (33 ft) niin a san zawng hi 5.40 m (18 ft) a ni.

He hunah hian Pu Lalrinngheta, VCP Vawngawnzo bakah MLA tawiawmtute'n thu an sawi bawk.
Vawngawnzo khua-a Mini-Sadbhav Mandap hawnna hun hi Pu V. Laldinsanga, Addl.DC & Nodal Officer, Aspirational District Programme, Mamit chuan kaihruaiin Pi Grace Lalremdiki Sailo, SDC & Branch Officer, Aspirational District Programme, Mamit chuan lawmthu a sawi a ni.

Vawiina hawn tak Mini- Sadbhav Mandap (Multipurpose Community Centre) lawmna pual hian khawtlang huapin ruaitheh a ni bawk.